آسام میں شدید بارشوں سے ریلوے پل کا حصہ منہدم

بھارت کی ریاست آسام میں مسلسل موسلادھار بارشوں نے شدید تباہی مچا دی ہے۔ ضلع دھیمجی میں دریائے سیمن پر قائم ریلوے پل کا ایک حصہ اچانک منہدم ہو گیا، جس کے باعث ریلوے آمدورفت شدید متاثر ہوئی ہے۔ریلوے حکام کے مطابق پل کو پہنچنے والے نقصان کے بعد ٹرین سروس



کو عارضی طور پر  محدود کر دیا گیا ہے۔اطلاعات کے مطابق مسلسل اور شدید بارشوں کے باعث دریا میں پانی کی سطح خطرناک حد تک بلند ہوگئی، جس کے نتیجے میں پل کا ایک حصہ گر گیا۔ خوش قسمتی سے اس واقعے کے وقت کوئی ٹرین پل پر موجود نہیں تھی، جس کے باعث کسی جانی نقصان کی اطلاع نہیں ملی۔