اشوک نامی شخص نے بالا نگر فلائی اوور سے چھلانگ لگا کر خود کو موت کے گھاٹ اتار لیا

ایک چونکا دینے والے واقعہ میں جو سی سی ٹی وی میں قید ہواہے، حیدرآباد کے اشوک نامی ایک باشندے نے آج بالا نگر فلائی اوور سے چھلانگ لگا کر خود کو موت کے گھاٹ اتار لیا۔ 

اشوک جوکہ ویلڈنگ کا کام کرتا تھا، اس کی بیوی کے ساتھ کسی وجہ سے اس کا جھگڑا ہوا تھا اور بعد میں اس نے خوب نشہ کرلیا۔ نشے کی حالت میں اشوک بالا نگر فلائی اوور کے قریب پہنچا  اور وہاں سے لٹکنے لگا کچھ سیکنڈ کا وقفہ لے کراس نے اپنے ہاتھ چھوڑ



دیے، 

اس طرح وہ گر کر موت کے منہ میں چلا گیا۔ 

یہ پہلا موقع نہیں ہے جب اس نے اپنی زندگی ختم کرنے کی کوشش کی۔ بلکہ اس نے ہاتھ کاٹ کر خودکشی کرنے کی دو بار کوشش کی تھی۔ افسوس کی بات یہ ہے کہ اس بار اس نے زیادہ سخت فیصلہ لیا جب اس نے ایک تماشائی کا کردار ادا کرتے ہوئے ایک فلائی اوور سے موت کے منہ میں چھلانگ لگا دی۔ پولیس نے مقدمہ درج کر لیا ہے اور تحقیقات کر رہی ہے کہ اس موت کے پیچھے کوئی اور محرکات ہیں۔ اس دوران خودکشی کی سی سی ٹی وی فوٹیج سوشل میڈیا پر وائرل ہو رہی ہے۔