تلنگانہ 29 نومبر 2025 (اعتماد نیوز) تلنگانہ کے سنگاریڈی ضلع کے اندور میں ایک بڑا حادثہ اس وقت ٹل گیا جب ایس وی جونیئر کالج کی بس کو لے جا رہے ڈرائیور کرشنا کو اچانک دل کا دورہ پڑا۔ حالت بگڑنے کے باوجود انہوں نے بس کو بے قابو ہونے سے بچانے کے لئے فوری طور پر اسے ایک برقی کھمبے سے ٹکرا دیا، جس کے نتیجے میں بس میں
سوار 8 طلبہ محفوظ رہے اور تمام کی جانیں بچ گئیں۔تاہم ڈرائیور کرشنا موقع پر ہی دم توڑ دیا۔ گھر والوں کے مطابق انہیں پہلے بھی دل کا دورہ پڑ چکا تھا اور اسٹنٹ ڈلوایا گیا تھا، لیکن ایک بار پھر ہارٹ اٹیک آنے سے ان کی موت واقع ہوگئی۔ نعش کو ہتنور منڈل کے منگا پور منتقل کیا گیا۔ جنتورم پولیس نے کیس درج کرکے تحقیقات شروع کردی ہیں۔