گورکھپور میں درگا مورتی وسرجن کے دوران کرنٹ لگنے سے 3 افراد ہلاک، عوام کا احتجاج

ذرائع:

اتر پردیش کے گورکھپور میں درگا مورتی کے وسرجن جلوس کے دوران ایک دردناک حادثہ پیش آیا، جہاں ہائی ٹینشن بجلی کی تار کی زد میں آنے سے تین افراد کی موت ہوگئی، جبکہ متعدد افراد زخمی ہوگئے۔ اطلاعات کے مطابق، گلریہا (Gulriha)پولیس اسٹیشن کے تحت راجھی کراسنگ کے قریب ٹریکٹر ٹرالی پر نصب ڈی جے گاڑی کی لوہے کی ریلنگ اور ایک لمبی دھاتی سلاخ ہائی ٹینشن بجلی کی تار سے چھو گئی، جس کے نتیجے میں کئی افراد کرنٹ کی زد میں آگئے۔ اس حادثے میں مرنے والوں میں دو بھائی بھی شامل ہیں، جبکہ زخمیوں کو علاج کے لیے اسپتال منتقل کیا



گیا۔ حادثے کے بعد متوفین کے اہلِ خانہ اور مقامی افراد میں شدید غم و غصہ پھیل گیا۔ دیہاتیوں نے بجلی محکمہ پر لاپروائی کا الزام عائد کرتے ہوئے احتجاج کیا اور بی آر ڈی میڈیکل کالج کی سڑک کو بند کردیا۔ صورتحال کو قابو میں کرنےکے لیے پولیس نے لاٹھی چارج کرتے ہوئے ہجوم کو منتشر کیا۔ اس افسوسناک واقعے کے بعد بجلی کے حفاظتی انتظامات اور وسرجن جلوس کے دوران احتیاطی اقدامات پر سوالات اٹھنے لگے ہیں۔ مقامی افراد نے مطالبہ کیا ہے کہ حادثے کی منصفانہ تحقیقات کی جائیں اور اگر کسی کی لاپروائی ثابت ہو تو ذمہ داروں کے خلاف سخت کارروائی کی جائے۔