چندرائن گٹہ میں موٹر سائیکل پھسلنے سے 2 کی موت، ایک زخمی

حیدرآباد، 12 اگسٹ (ذرائع)چندرائن گٹہ میں ایک سڑک حادثہ پیش آیا جس میں دو افراد کی موت ہوگئی- بروز پیر 12 اگسٹ کی علی الصبح چندراین گٹہ میں سڑک حادثہ میں دو افراد ہلاک اور ایک زخمی ہوگئے۔

تینوں متاثرین، جن کی ابھی شناخت نہیں ہوسکی ہے، ایک بائک پر جارہے تھے جب بنڈلہ گوڑا روڈ پر واقع شادان ریسٹورنٹ کے قریب ان کی دو پہیہ گاڑی پھسل



گئی۔ایک اہلکار نے بتایا کہ دو افراد کی موقع پر ہی موت ہو گئی جبکہ دوسرا شدید زخمی ہے جسے علاج کے لیے ہسپتال منتقل کر دیا گیا ہے۔ابتدائی تحقیقات سے پتہ چلتا ہے کہ موٹر سائیکل پھسل گئی اور شخض سڑک کے ڈیوائیڈر سے ٹکرا گیا ۔

لاشوں کو عثمانیہ جنرل ہاسپٹل کے مردہ خانہ بھجوا دیا گیا جبکہ زخمی شخص کو ہسپتال منتقل کر دیا گیا۔مزید تفصیلات کا انتظار ہے۔