مہاراشٹر میں بس کھائی میں گرنے سے 12 افراد ہلاک، 25 سے زائد زخمی

مہاراشٹرا پولیس نے بتایا کہ ہفتہ کی صبح رائے گڑھ کے کھوپولی علاقے میں ایک بس کھائی میں گرنے سے 12 افراد ہلاک اور 25 سے زیادہ زخمی ہو گئے، ریسکیو آپریشن جاری ہے۔

رائے گڑھ کے سپرنٹنڈنٹ آف پولیس (ایس پی) کے مطابق "بس میں 40 سے 45 افراد سوار تھے، جن میں سے 7 افراد کی موت ہو چکی ہے جبکہ 25 سے زیادہ لوگ زخمی ہیں، بچاؤ کا کام ابھی جاری ہے، باہر نکالنے کے



لیے کرین طلب کر لی گئی ہے۔ 

جائے وقوعہ سے ملنے والی تصویروں میں بس کے کھائی میں گرتے ہوئے دکھایا گیا ہے اور حادثے میں گاڑی کی کھڑکی اور چھت کو مکمل طور پر نقصان پہنچا ہے۔

ریسکیو اہلکاروں کو رسیوں کی مدد سے حادثے میں بچ جانے والوں کو محفوظ مقام پر لے جاتے دیکھا گیا۔

بس کے مسافروں کا تعلق گورگاؤں علاقے کی ایک تنظیم سے تھا جو ایک تقریب کے لیے پونے گئے تھے اور واپسی کے سفر پر تھے۔