سید ملنگ کے قتل کے الزام میں شیخ عمر گرفتار

ناندیڑ: ۱۲؍ستمبر (اعتماد نیوز)ناندیڑ شہر کے مجاہد پیٹھ علاقہ میں گزشتہ دنوں (۷۰سالہ ) سید ملنگ عرف منشی صاحب اس ضعیف شخص کا قتل ہوگیا تھا ۔ سڈکو پولس نے قتل کے مقدمہ میں شیخ عمر شیخ سراج ساکن مجام پیٹھ کو گرفتار کیا ہے ۔ پولس ذرائع سے ملی اطلاع کے مطابق گزشتہ دنوں رات کے وقت پان پٹی چلانے والے سید ملنگ عرف منشی کا قتل ناؤگھاٹ پل کے پاس ہواتھا ۔ ان کے لڑکے سید ایوب کی شکایت پر پولس



نے قتل کا مقدمہ درج کیا تھا ۔ پولس نے اس قتل کا سراغ لگاتے ہوئے مجام پیٹھ کے ہی رہنے والے مستری شیخ عمر (۳۷سال ) گرفتار کیا ہے ۔ پولس نے بتایا کہ شراب پینے کیلئے ۵۰روپئے شیخ عمر نے سید ملنگ سے مانگے تھے ۔ رقم نہ دینے پر شیخ عمر نے پان پٹی پر بیٹھے ہوئے سید ملنگ کا قتل کردیاتھا ۔ شیخ عمر کو گرفتار کرکے پولس نے عدالت میں پیش کیا ۔ جج نے اُسے ۱۴؍ستمبر تک پولس کسٹڈی میں رکھنے کے احکامات دئیے ہیں ۔