اسٹاک مارکیٹ میں تیزی کا سلسلہ جاری

ممبئی، 17 مئی (یو این آئی) عالمی بازار کے ملے جلے رجحان کے درمیان مقامی سطح پر ہونے والی ہمہ جہت خریداری کی بدولت اسٹاک مارکیٹ میں آج مسلسل دوسرے دن بھی تیزی رہی۔ بی ایس ای کا 30 حصص کا حساس انڈیکس سینسیکس 253.31 پوائنٹس کی چھلانگ لگا کر



73,917.03 پوائنٹس اور نیشنل اسٹاک ایکسچینج (این ایس ای) کا نفٹی 62.25 پوائنٹس کے اضافے کے ساتھ 22,466.10 پوائنٹس پر بند ہوا۔ بڑی کمپنیوں کی طرح بی ایس ای کا مڈ کیپ 1.18 فیصد کی چھلانگ لگا کر 42,841.10 پوائنٹس اور اسمال کیپ 1.39 فیصد چھلانگ لگا کر 47,591.67 پوائنٹس پر پہنچ گیا۔