منافعہ وصولی کے باعث شیئر بازار میں گراوٹ

ممبئی، 27 مئی (یو این آئی) صدر ڈونالڈ ٹرمپ کے ٹیکس کٹوتی بل کی وجہ سے امریکی مالیاتی خسارہ بڑھنے کے خدشے کے درمیان مقامی سطح پر بھاری منافعہ وصولی کی وجہ سے شیئر بازار میں آج دوروز سے جاری تیزی کا سلسلہ ٹوٹ گیا اور سینسیکس اور نفٹی نصف فیصد سے زیادہ کی گراوٹ کے ساتھ بند



ہوئے۔ 

بی ایس ای کا حساس انڈیکس سینسیکس 624.82 پوائنٹس یعنی 0.76 فیصد گراوٹ کے ساتھ 81,551.63 پوائنٹس پر آگیا، جبکہ نیشنل اسٹاک ایکسچینج (این ایس ای ) نفٹی 174.95 پوائنٹس یعنی 0.70 فیصد گراوٹ کے ساتھ 24820 پوائنٹس پر بند ہوا۔ تاہم ، بی ایس ای کی بڑی کمپنیوں کے برعکس، مڈ کیپ اور اسمال کیپ کی کمپنیوں کے حصص میں اضافہ دیکھا گیا۔