جی ڈی پی کے مضبوط اعدادوشمار سے سینسیکس-نفٹی میں اضافہ

ممبئی، یکم دسمبر (یو این آئی) کورونا کے نئے ویرینٹ اومیکرون کے خطرے کے درمیان، رواں مالی سال کی دوسری سہ ماہی میں ملک کی مجموعی گھریلو پیداوار (جی ڈی پی) شرح نمو کی امید سے بہتراعدادوشمار سے سرمایہ کاروں کو تقویت ملی اور ان کی چوطرفہ خریداری سے آج سینسیکس اور نفٹی گزشتہ روز کی گراوٹ سے ابرتے ہوئے ایک فیصد سے زیادہ کے اضافے پر رہے۔

کورونا وبا کی روک تھام کے



لیے نافذ کیے گئے لاک ڈاؤن سے بری طرح متاثر ہونے والی معیشت اب دوبارہ پٹری پر آ گئی ہے کیونکہ مالی سال 2021-22 کی دوسری سہ ماہی میں ملک کی جی ڈی پی میں 8.4 فیصد کی رفتارسے بڑھی ہے، جبکہ پچھلے مالی سال کی مساوی مدت میں اس میں 7.4 فیصد کی کمی آئی تھی ۔

ساتھ ہی اکتوبر میں بنیادی صنعتوں کی پیداواری شرح نمو بھی مضبوط 7.5 فیصد رہنے سے پرجوش سرمایہ کاروں نے اسٹاک مارکیٹ میں زبردست خریداری کی۔