سنسیکس 562 پوائنٹس، نفٹی 189 پوائنس کمزور

ممبئی، 17 مارچ (یو این آئی) عالمی سطح پر زیادہ تر انڈیکس میں درج کی گئی گراوٹ اور کنزیومر ڈیوریبل، بینکنگ سمیت کیپیٹلس گُڈس اور ہیلتھ کیئر گروپ کی کمپنیوں میں ہوئی شدید فروخت سے گھریلو سطح پر بدھ کے روز شیئر بازار میں سنسیکس 562.34 پوائنٹس کی بڑی گراوٹ کے ساتھ پچاس ہزار سے نیچے آتے ہوئے 49801.62 پوائنٹس پر اور نفٹی 189.15 پوائنٹس پر کم ہو کر 14721.30 پوائنٹس پر بند ہوا۔

دن کی شروعات سے ہی سنسیکس میں کمی دیکھی گئی اور گذشتہ روز کے مقابلے بی ایس ای کا



سنسیکس 72 پوائنٹس اور نیشنل اسٹاک ایکسچینج کا نفٹی 36 پوائنٹس کمزور ہو کر کھلا۔ سیشن کے دوران کنزیومر ڈیوریبل، بینکنگ سمیت کیپیٹلس گُڈس اور ہیلتھ کیئر گروپ کی کمپنیوں میں ہوئی شدید فروخت سے سنسیکس اور نفٹی گراوٹ کے ساتھ بند ہوئے۔

بڑی کمپنیوں، درمیانی اور چھوٹی کمپنیوں میں بھی اس دوران شدید فروخت ہوئی جس سے بی ایس ای کا مڈکیپ 2.22 فیصد کم ہو کر 20043.70 پوائنٹس اور اسمال کیپ 2.12 فیصد کی بڑی کمی کے ساتھ 21 ہزار پوائنٹس سے نیچے آتے ہوئے 20713.58 پوائنٹس پر رہا۔