ڈالر کے مقابلے روپے میں پانچ پیسے کی گراوٹ

ممبئی، 12 جون (یو این آئي) بین بینکاری کرنسی مارکیٹ میں جمعہ کے روز ہندوستانی روپیہ پانچ پیسے گر کر 75.84 روپے فی ڈالر رہا۔

ہندوستانی کرنسی آج مسلسل دوسرے روزکمزور ہوئی ہے۔ اس سے پہلے کے کاروبار میں یہ 19 پیسے کی کمی سے 75.79 روپے فی ڈالر پر بند ہوئی تھی۔

اسٹاک مارکیٹ میں ابتدائی کہرام سے کاروبار کے آغاز میں روپیہ پر دباؤ پڑا۔ اس کی قیمت 31 پیسے ٹوٹ کر 76.10 پر فی ڈالر ہو گئی۔



بعد میں اسٹاک مارکیٹ میں گراوٹ کم ہونے سے روپیہ میں نمایاں بہتری آئی اور کاروبار کے اختتام تک وہ فی ڈالر 75.84 تک پہنچنے میں کامیاب ہوگیا۔ مجموعی طورپر ایک ہفتے میں روپیہ 26 پیسے کمزور ہوا ہے۔

دنیا کی دیگر بڑی کرنسیوں کی ٹوکری میں ڈالر انڈیکس کی ایک چوتھائی فیصد گراوٹ سے روپیہ کو کچھ استحکام حاصل ہوا۔ بین الاقوامی مارکیٹ میں خام تیل کی نرمی نے بھی ہندوستانی کرنسی کی گرواٹ کچھ کم ہوئی۔