ریلائنس کا تیل سے کیمیکلز کے کاروبار کو الگ کرنے کا اعلان کیا

ممبئی، 23 فروری (یو این آئی) پٹروکیمیکل، مواصلات، ریٹیل وغیرہ شعبوں میں کاروبار کرنے والی ملک کی سب سے بڑی کمپنی ریلائنس انڈسٹریز لمیٹڈ نے اپنے تیل سے کیمیکلز کے کاروبار کو الگ کرنے کا اعلان کیا ہے۔

کمپنی نے پیر کی دیر شام شیئر بازار کو اس سلسلہ میں مطلع کیا۔ اس کے لئے موجودہ کمپنی میں سے ایک الگ کمپنی بنائی جائے گی۔ اس کے لئے کمپنی نے شیئر ہولڈروں اور قرض دہندگان سے منظوری مانگی ہے۔ کمپنی کو امید ہے کہ آئندہ مالی



سال کی دوسری سہ ماہی تک اس کے لئے منظوری مل جائے گی۔

کمپنی نے کہاکہ آئل ٹو کیمیکلز کاروبار کی تنظیم نو سے اسے اوٹوسی ویلیو چین میں مواقع کا فائدہ اٹھانے کا موقع ملے گا۔ ریلائنس انڈسٹریز تیل سے کیمیکلز کاروبار کے لئے الگ اکائی بنارہی ہے۔ اس قدم سے اسے اسٹریٹجک شراکت داری کے ساتھ اضافہ کے مواقع کو آگے بڑھانے میں مدد ملے گی۔

کمپنی نے امید ظاہر کی کہ اسے آئندہ برس کی دوسری سہ ماہی تک اس کے لئے ضروری منظور ی مل جائے گی۔