ووٹنگ پوری ہوتے ہی مہنگا ہوا پیٹرول-ڈیزل

نئی دہلی/20مئی(ایجنسی) لوک سبھا انتخابات کے آخری مرحلے کی ووٹنگ پوری ہونے کے بعد پیر کو پیٹرول اورڈیزل کی قیمت میں تیزی آئی، اتوا ر کو پرانے سطح پر قائم پیٹرول -ڈیزل کی قیمت میں پیر کو تیزی آئی، پیٹرول 9 پیسے سے لیکر 10 پیسے تک مہنگا ہوا، وہیں ڈیزل 15 پیسے سے لیکر 16 پیسے تک مہنگا ہوا، دہلی میں پیر کو پیٹرول کی قیمت 9 پیسے بڑھ کر 71.12 روپیے کی سطح پر دیکھائی دیا، وہیں ڈیزل 15 پیسے بڑھ کر 66.11 روپے کی سطح پر دیکھائی دیا. گزشتہ آٹھ دنوں میں پٹرول میں تقریبا 2 روپے کی کمی تھی.