پٹرول اور ڈیزل سستا

نئی دہلی ، 17 ستمبر (یواین آئی) سرکاری تیل کمپنیوں نے جمعرات کے روز پٹرول اور ڈیزل کی قیمتوں میں کمی کی ہے گذشتہ روز دونوں ایندھن کی قیمتوں میں کوئی تبدیلی نہیں کی گئی تھی سرکاری آئل مارکیٹنگ کے شعبے کی اہم کمپنی انڈین آئل کے مطابق ملک کے چار بڑے شہریوں میں آج پٹرول کی قیمت 14 - 16 پیسے تک کم ہوئی ہے جبکہ ڈیزل کی قیمت میں 19- 20 پیسے تک کمی ہوئی ہے ۔

دہلی میں پٹرول کی قیمت 15 پیسے کم ہو کر 81.40 روپے فی لیٹر رہی جبکہ



ڈیزل 19 پیسے سستا اور فی لیٹر قیمت 72.37 روپے رہ گئی ۔ ممبئی میں پٹرول 14 پیسے کم ہو کر 88.07 روپے فی لیٹر اور ڈیزل 19 پیسے کم ہو کر 78.85 روپے فی لیٹر رہا ۔

کولکاتہ میں پٹرول 14 پیسے اور ڈیزل 19 پیسے سستا ہوا ۔ پٹرول اور ڈیزل کی قیمت بالترتیب 82.92 روپے اور 75.87 روپے فی لیٹر رہ گئی ۔

چنئی میں بھی پٹرول - ڈیزل کی قیمتوں میں کمی ہوئی ہے ۔ پٹرول کی قیمت 13 پیسے کم ہو کر 84.44 روپے فی لیٹر اور ڈیزل کی قیمت 18 پیسے کم ہوکر 77.73 روپے فی لیٹر رہ گئی ۔