دس لاکھ سے زیادہ صارفین نے جیو مارٹ-ایپ ڈاؤن لوڈ کیا

نئی دہلی، 24 جولائی (یو این آئي) جیو مارٹ ایپ لانچ ہونے کے دو ماہ کے اندر ہی ملک کے آن لائن گروسری کاروبار کے شعبے میں دس لاکھ سے زیادہ صارفین نے اس ایپ کو ڈاؤن لوڈ کیا ہے  گوگل پلے اسٹور اور ایپل ایپ اسٹور سے جیو مارٹ ایپ کو 10 لاکھ سے زیادہ ڈاؤن لوڈ کیا جاچکا ہے۔ ایپ کی رینکنگ کرنے والی دنیا کی مشہورکمپنی ایپ- اینی کے مطابق جیومارٹ ایپ مجموعی طور پر خریداری کے زمرے میں جھنڈا گاڑ چکا ہے۔ یہ ہندوستانی درجہ بندی میں ایپل ایپ اسٹور میں دوسرے اور گوگل پلے اسٹور پر تیسرے مقام پر آگیا ہے۔

جیومارٹ ایپ پر روزانہ ڈھائی لاکھ آرڈر بک ہوتے ہیں۔



آن لائن کیرانہ کاروبار کے زمرے میں یہ تعداد سب سے زیادہ ہے۔ آرڈروں کی تعداد میں بھی مسلسل اضافہ ہورہا ہے۔جیو مارٹ-ایپ سے پہلے کمپنی کی ویب سائٹ پر آرڈر بک کیے جاتے تھے ۔کمپنی نے کچھ ایسا بندوبست کیا ہے جس میں صارفین ویب سائٹ، اینڈرائیڈ اور ایپل آئی او ایس جیسے تقریبا تمام پلیٹ فارموں پر اپنے لاگ ان اکاؤنٹ کا استعمال کرسکتے ہیں۔ جیومارٹ نے مئی کے آخری ہفتے میں 200 شہروں سے شروعات کی تھی۔

عالمی بروکر ہاؤس گولڈمین -سیکس کی ایک رپورٹ کے مطابق فیس بک کے ساتھ ریلائنس کی شراکت داری کے نتیجے میں یہ کمپنی آن لائن گروسری کے شعبے میں مارکیٹ لیڈر بن سکتی ہے۔