بجٹ کے بعد دوسرے دن بھی مارکیٹ میں تیزی

ممبئی، 02 فروری (یواین آئی) 2021-22 کے عام بجٹ میں گھریلو صنعتوں کو فروغ دینے کے اقدامات کے ساتھ منگل کو بھی اسٹاک مارکیٹ میں تیزی دیکھنے میں آئی اور بی ایس ای سینسیکس 1335 پوائنٹس کے اضافے کے ساتھ 49،936.49 پر پہنچ گیا نیشنل اسٹاک ایکسچینج کے نفٹی میں بھی آج تیزی دیکھی گئی اور اس کا انڈیکس 382 پوائنٹس اضافے کے ساتھ 14،663.55 پر آگیا۔



گذشتہ سال 07 اپریل کے بعد دونوں اہم انڈیکس میں اتنی بڑی تیزی دیکھنے میں نہیں آئی۔

بی ایس ای کا سینسیکس ایک وقت بلند ترین سطح 50،154.48 تک پہنچ گیا جبکہ اس کی نچلی سطح 49،193.26 رہی۔

وہیں نفٹی انڈیکس دن کی اونچی سطح پر 14،731.70 رہا جبکہ سب سے کم 14،469.15 پر رہا۔

بی ایس ای کے مڈ کیپ 1.90 فیصد بڑھا جبکہ اسمال کیپ میں 1.57 فیصد اضافہ دیکھا گیا۔