امریکہ میں کساد بازاری کا خدشہ ختم ہوتے ہی مارکیٹ میں تیزی آئی

ممبئی 16 اگست (یو این آئی) امریکہ کے مضبوط اقتصادی اعداد و شمار سے دنیا کی سب سے طاقتور معیشت کے کساد بازاری کی زد میں آنے کا خدشہ ختم ہونے سے عالمی منڈی کے نومبر 2023 کے بعد اپنے بہترین ہفتہ کی طرف بڑھنے سے پر جوش سرمایہ کاروں کی مقامی سطح پر ہوئی چوطرفہ خریداری کی بدولت آج شیئر مارکٹ نے ڈیڑھ فیصد سے زیادہ



کی چھلانگ لگائی۔

بی ایس ای کا 30 شیئروں پر مشتمل حساس انڈیکس سینسیکس 1330.96 پوائنٹس یعنی 1.68 فیصد بڑھ کر 80 ہزار پوائنٹس کی نفسیاتی سطح کو عبور کر کے ایک ہفتے کے بعد 80,436.84 پوائنٹس پر پہنچ گیا۔ اس کے علاوہ نیشنل اسٹاک ایکسچینج ( این ایس ای) کا نفسی 397.40 پوائنٹس یعنی 1.65 فیصد چھلانگ لگا کر 24,541.15 پوائنٹس پر بند ہوا۔