ای پیپر
خصوصی
زیادہ دیکھے گئے
اوپینین پول
کیا اومیکرون کے معاملات میں اضافے کی وجہ سے یوپی اسمبلی انتخابات کو ملتوی کرنے کی ضرورت ہے؟
دوسری سہ ماہی میں اقتصادی ترقی کی شرح نمو 8.1 فیصد رہنے کی توقع: ایس بی آئی
Mon 22 Nov 2021, 18:33:08
نئی دہلی، 22 نومبر (یو این آئی) ملک کے سب سے بڑے تجارتی بینک اسٹیٹ بینک آف انڈیا (ایس بی آئی) نے ایک رپورٹ میں ستمبر میں ختم ہونے والی دوسری سہ ماہی میں کورونا کے کیسز میں کمی اور اس کی ویکسینیشن میں تیزی سے اضافے کی وجہ سے موجودہ مالی سال میں مصنوعات (جی ڈی پی) کی شرح نمو 8.1 فیصد رہنے کا تخمینہ لگاتے ہوئے آج کہا کہ اس کے پیش نظر رواں مالی سال میں اقتصادی ترقی کی شرح 9.3 فیصد سے 9.6 فیصد کے درمیان رہ سکتی ہے۔
ایس بی آئی گروپ کی چیف اکنامک ایڈوائزر سومیا کانتی گھوش کی اس رپورٹ میں رواں مالی سال کی دوسری سہ ماہی میں جی ڈی پی کی شرح نمو 8.1 فیصد رہنے کا اندازہ لگایا گیا ہے، جو دنیا کی بڑی معیشتوں میں سب سے زیادہ ہے۔ رپورٹ کے مطابق دنیا کی 28 بڑی معیشتوں کی اوسط جی ڈی پی گروتھ رواں سال کی تیسری سہ ماہی میں 4.5 فیصد پر آگئی جو اس سے قبل 12.1 فیصد تھی۔
رپورٹ کے مطابق رواں مالی سال میں حقیقی جی ڈی پی کی شرح نمو 9.3 فیصد سے 9.6 فیصد کے درمیان رہنے کا تخمینہ لگایا گیا ہے جو کہ مالی سال 2019-20 کے کورونا سے پہلے کی مدت کے مقابلے میں 1.5 فیصد سے 1.7 فیصد زیادہ ہو سکتی ہے۔
اس پوسٹ کے لئے کوئی تبصرہ نہیں ہے.
بزنس میں زیادہ دیکھے گئے
Indian Rupee Converter