شیئر بازار میں گراوٹ کا دور ختم، سینسیکس۔ نفٹی میں 1.29 فیصد کا اضافہ

ممبئی، 20 جون (یو این آئی) امریکی صدر ڈونالڈ ٹرمپ کی طرف سے اسرائیل۔ ایران تنازعہ میں امریکی فوجی مداخلت کے فیصلے کو واپس لینے کے بعد یورپی مارکیٹ میں تیزی سے حوصلہ پاکر سرمایہ کاروں کی مقامی سطح پر ہمہ جہت خریداری کی بدولت، اسٹاک مارکیٹ نے گزشتہ مسلسل تین دنوں کی گراوٹ سے باہر نکلتے ہوئے آج ایک فیصد سے زیادہ چھلانگ



لگائی۔

بی ایس ای کا حساس انڈیکس سینسیکس 1046.30 پوائنٹس یعنی 1.29 فیصد چھلانگ لگا کر 82408.17 پوائنٹس کی سطح پر اور نیشنل اسٹاک ایکسچینج (این ایس ای) کانفٹی 319.15 پوائنٹس یعنی 1.29 فیصد کے اضافے کے ساتھ 25112.40 پوائنٹس پر بند ہوا۔ اسی طرح ، بی ایس ای کی مڈ کیپ 1.20 فیصد کے اضافے کے ساتھ 45,480.26 پوائنٹس پر اور اسمال کیپ 0.55 فیصد مضبوط ہو کر 52,378.52 پوائنٹس تک پہنچ گئی۔