اسٹاک مارکیٹ 59 ہزار کی چوٹی سے نیچے آیا

ممبئی، 22 ستمبر (یو این آئی) بیرونی منڈیوں میں تیزی کے باوجود بدھ کو مقامی سطح پر ایچ ڈی ایف سی ، نیسلے ، آئی سی آئی سی آئی بینک ، کوٹک بینک اور او این جی سی جیسی کمپنیوں میں فروخت کے دباؤ کے باعث اسٹاک مارکیٹ 59،000 پوائنٹس کی چوٹی سے نیچے گر گئی بی ایس ای کا 30 حصص کا حساس انڈیکس سینسیکس 77.94 پوائنٹس کی کمی سے 58927.33 پوائنٹس اور نیشنل اسٹاک ایکسچینج (این ایس ای) کا نفٹی 15.35 پوائنٹس کی کمی سے 17546.65 پوائنٹس پر آگیا۔ تاہم ٹیک مہندرا ، مہندرا اینڈ مہندرا ، ایچ سی ایل ٹیک ، بجاج



آٹو اور ریلائنس انڈسٹریز میں خریداری نے مارکیٹ کو بڑی تباہی سے بچایا۔

بڑی کمپنیوں کے برعکس چھوٹی اور درمیانی کمپنیوں میں زبردست خریداری ہوئی۔ اس دوران بی ایس ای مڈ کیپ 374.42 چھلانگ لگا کر 25166.54 پوائنٹس اور اسمال کیپ 326.98 پوائنٹس چھلانگ لگا کر 27،856.10 پوائنٹس پر پہنچ گیا۔ بی ایس ای پر مجموعی طور پر 3403 کمپنیوں کے حصص کا کاروبار ہوا جن میں سے 1140 میں کمی جبکہ 2099 میں اضافہ ہوا، جبکہ 164 میں کوئی تبدیلی نہیں ہوئی۔ اسی طرح نفٹی 22 کمپنیوں کے حصص کی قیمتیں گر گئیں جبکہ 27 میں تیزی رہی۔