ہنر ہاٹ مودی سرکار کی کوشل کو کام اور ہنر کو سمّان کی مضبوط مہم:نقوی

رام پور (یوپی)، 17/ دسمبر(یواین آئی) مرکزی وزیر برائے اقلیتی امور، جناب مختار عباس نقوی نے آج یہاں کہا کہ”نر ہاٹ مودی سرکار کی  کوشل کو کام اور ہنر کو سمّان کی بے حد مضبوط مہم ہے وہ رامپور کے نمائش گراؤنڈ، پَن وَڑِیا میں 18تا27دسمبر2020منعقد ہونے والے ہنر ہاٹ کے موقع پر آج ایک پریس کانفرنس سے خطاب کو خطاب کررہے تھے۔

مسٹر نقوی نے مزیدکہا کہ "ہنر ہاٹ"، "خودکفیل بھارت" کے عزم کو پورا کرنے اور ملک کے کونے کونے سے ہنر مند کاریگروں، دستکاروں اور معما روں کو بڑے پیمانے پر روزگار اور روزگار کے مواقع سے مربوط



کرنے کی ایک مضبوط مہم ثابت ہوئی ہے۔

مسٹر نقوی نے کہا کہ رام پور میں "ہنر ہاٹ" کا افتتاح کل 18 دسمبر کو مرکزی وزیر برائے روڈ ٹرانسپورٹ اور شاہراہ اور سمال، مائیکرو اینڈ میڈیم انڈسٹریز کے وزیرمسٹر نتن گڈکری کریں گے۔

اس موقع پر بطور مہمان خصوصی،کھا دی اینڈ گرام اُدیوگ انڈسٹریز کمیشن کے چیئرمین مسٹر ونئے کمارسکسینہ؛ اترپردیش کے کھادی اور گرام اُدیوگ، اسمال، مائیکرو اینڈ میڈیم انڈسٹریز کے وزیرمسٹر سِدھارتھ ناتھ سنگھ اور اتر پردیش کے وزیر مملکت برائے پانی، بجلی مسٹر بلدیو سنگھ اَولکھ موجودرہیں گے۔۔