جامن کی کھیپ پہلی مرتبہ لندن بھیجی گئی

نئی دہلی، 28 جون ( یواین آئی ) دنیا بھر کے لوگوں میں صحت سے متعلق بڑھتی بیداری اور ذیابیطس سے بچاؤ والی خصوصیت کی وجہ سے ملک سے پہلی مرتبہ کالے کلوٹے جامن کی لندن کو برآمدات کی گئی ۔

اتر پردیش سے لندن میں جامن کی پہلی کامیاب کھیپ کی برآمد ات نے برآمد کنند گان اور کسانوں کو اس دیسی پھل کی کاشت اور تجارت کے امکانات میں اضافہ کر دیا ہے ۔ پہلی مرتبہ بٹور (کانپور) میں پیدا ہونے والے جامن کے پھلوں کی برآمدات ایگریکلچر اینڈ پروسیسڈ فوڈ پروڈکٹ ایکسپورٹ ڈویلپمنٹ اتھارٹی ( اےپی ای ڈی اے ) کے رجسٹرڈ ایکسپورٹر کے ذریعے جون کے پہلے ہفتے کی گئی اور برآمدات جاری ہے جو



ٹنوں میں ہے۔ حالیہ ہندوستانیوں اور غیر ملکی افراد میں جامن کے پھلوں کی مقبولیت میں اضافہ ہوا ہے ۔

ایگریکلچر اینڈ پروسیسڈ فوڈ پروڈکٹ ایکسپورٹ ڈویلپمنٹ اتھارٹی ( اے پی ای ڈی اے ) کے اسسٹنٹ جنرل منیجر ڈاکٹر سی بی سنگھ نے کہا کہ اترپردیش کے جامن کا لندن کے بازار میں خیرمقدم کیا جارہا ہے اور آم کے علاوہ اس پھل کی برآمدات کے بہت امکانات ہیں۔ برآمد کنندگان کو معیاری پھل اور پیکیجنگ ٹکنالوجی کی وجہ سے دور کی بازاروں میں کھیپ بھیجنے میں مدد ملی ہے ۔ جامن کی مانگ کو مدنظر رکھتے ہوئے یورپ اور مشرق وسطی کے ممالک میں اعلی معیار کے جامن کے پھلوں کی برآمد ات کے اچھے امکانات ہیں ۔