ہوائی اڈوں پر کم از کم دو گھنٹے پہلے پہنچنا ضروری ہوگا

نئی دہلی،21مئی(یواین آئی)کورونا وائرس(کوویڈ 19)وبا کی وجہ سے دو مہینے تک بند گھریلو مسافر پروازیں 25 مئی سے کئی نئی ہدایات کے ساتھ دوبارہ شروع ہورہی ہیں جن میں ہوائی اڈے پر کم از کم دو گھنٹے پہلے پہنچنا اور آروگیئے سیتو ایپ کا استعمال ضروری ہوگا۔

ذرائع نے بتایا کہ ہوائی اڈوں کےلئے معیاری آپریٹنگ طریقہ کار (ایس او پی)میں مسافروں کا ہوائی اڈے پر کم از کم دو گھنٹے پہلے پہنچنا لازمی کیا گیا ہے۔صرف انہیں مسافروں کو ٹرمینل بلڈنگ میں داخل ہونے دیا جائےگا جن کی پرواز اگلے چار گھنٹے میں ہے۔ٹرمینل میں داخلے سے



پہلے ہی مسافروں کی تھرمل اسکریننگ کی جائےگی اور بغیر علامات والے مسافروں کو ہی داخل ہونے کی اجازت ملے گی۔

مسافروں کےلئے ان کے موبائل میں آروگئے سیتو ایپ ہونا الزمی کیا گیا ہے ۔ایپ پر ہرا نشان نہ نظر آنے پر داخل نہیں ہونے دیا جائے گا حالانکہ 14 سال سے کم عمر کے بچوں کو آروگئے سیتو ایپ کی لازمیت سے چھوٹ دی گئی ہے۔

کوویڈ 19 کے انفیکشن کو کنٹرول کرنے کےلئے 25 مارچ سے ملک میں سبھ مسافر پروازیں بند ہیں۔شہری ہوابازی کے وزیر ہردیپ سنگھ پوری نے بدھ کو اعلان کیاتھا کہ 25 مئی سے گھریلوے مسافر پروازیں دوبارہ شروع ہوں گے۔