شیئر بازار میں 1.71 فیصد کی گراوٹ

ممبئی، 24 اپریل (یو این آئی) بیرون ممالک سے موصول منفی اثرات کے درمیان بینکنگ، مالیاتی، آئی ٹی اور ٹیک شعبے کی کمپنیوں میں زبردست فروخت سے ہفتے کے آخری دن جمعہ کو گھریلو شیئر بازار ڈیڑھ فیصد سے زیادہ کے نقصان کے ساتھ بند ہوئے۔

بی ایس ای کا 30 شیئر والا سینسری انڈیکس سینسیکس 535.86 پوائنٹس یعنی 1.68 فیصد کم ہو کر 31,327.22 پوائنٹس پر اور نیشنل اسٹاک ایکسچنیج کا نفٹی 159.50 پوائنٹس یعنی 1.71 فیصد کی کمی کے ساتھ 9,154.40 پوائنٹس پر بند ہوا۔

درمیانی اور چھوٹی کمپنیوں میں بھی سرمایہ کاروں نے فروخت کیا۔ بی ایس ای کا مِڈ کیپ 1.77 فیصد ٹوٹ کر 11,464.20 پوائنٹس پر اور



اسمال کیپ 1.40 فیصد کم ہوکر 10,633.54 پوائنٹس پر آ گیا۔ اس سے پہلے مسلسل دو دن بازار میں تیزی دیکھی گئی تھی۔

زیادہ تر بینکنگ اور مالیاتی کمپنیاں آج لال نشان میں رہیں۔ سینسیکس میں بجاج فائنانس کو نو فیصد سے زیادہ کا نقصان ہوا۔ انڈس اِنڈ بینک، ایکسس بینک، آئی سی آئی سی آئی بینک اور ایچ ڈی ایف سی کے شیئر پانچ سے سات فیصد کے نقصان میں رہے۔ آئی ٹی اور ٹیک کی کمپنیوں میں بھی زبردست گراوٹ کا رجحان رہا۔

ٹیلی کمینونیکیشن ریلائنس جیو میں امریکی سوشل میڈیا پلیٹ فارم فیسبک کو اسی ہفتے 9.99 حصص بیچنے والی ریلائنس انڈسٹریز کے شیئر تین فیصد سے زیادہ تک اضافے میں رہا۔