لاگوس/29جون(ایجنسی) نائیجیریا کے تجارتی دارالحکومت لاگوس میں جمعرات کو ایک آئل ٹینکر میں آگ لگنے سے نو افراد ہلاک اور چار دیگر جھلس گئے جبکہ 53 دیگر گاڑیاں بھی جل کر راکھ ہو گئیں۔لاگوس اسٹیٹ ایمرجنسی مینجمنٹ کے ترجمان ایڈیشنیا تیا میو نے یہ اطلاع دی۔انہوں نے بتایا کہ شام ساڑھے پانچ بجے ٹینکر سے اچانک تیل بہنے لگا اور اس میں آگ لگ گئی جس نے اپنی لپیٹ میں دیگر گاڑیوں کو بھی لے لیا۔
font-size: 18px; text-align: start;">انہوں نے بتایا کہ اس واقعہ میں نو افراد ہلاک ہو گئے اور چار دیگر جھلس گئے. زخمیوں کو علاج کے لئے اسپتال میں داخل کرایا گیا ہے۔
وفاقی روڈ سیفٹی کمیشن (ایف آر ایس سی ) کے ترجمان بی سی كذيم نے کہا کہ حادثے لاگوس سے باہر جانے والی سڑک پر اوٹوتولا پل کے قریب ہوا۔ انہوں نے بتایا کہ گاڑی کے بریک فیل ہونے کی وجہ سے یہ حادثہ ہوا۔ انہوں نے کہا کہ ٹینکر کے علاوہ پانچ بسیں، دو ٹرک، ایک سائیکل اور 45 کاریں بھی آگ کی لپیٹ میں آ گئیں۔