سرینگر/29جون(ایجنسی) وادی کشمیر میں جمعہ کے روز بارش کی وجہ سے سطح سمندر سے 13 ہزار 500 فٹ بلندی پر واقع امرناتھ گھپا کی یاترا معطل کردی گئی۔ بارش کی وجہ سے دونوں یاترا راستوں پہلگام اور بال تل پر پھسلن پیدا ہوگئی ہے۔
یاترا کے پہلے دن جمعرات کو قریب 1300 یاتریوں نے امرناتھ گھپا میں شیولنگم کے درشن کئے۔ یاترا کرنے والوں میں ریاستی گورنر نریندر ناتھ ووہرا اور اسمبلی سپیکر ڈاکٹر نرمل سنگھ بھی شامل تھے۔
start;">سرکاری ذرائع نے یو این آئی کو بتا یا مسلسل بارش اور یاترا راستوں پر پھسلن پیدا ہونے کی وجہ سے دونوں راستوں بشمول مختصر بال تل روٹ اور روایتی پہلگام راستوں پر یاترا معطل کردی گئی ہے"۔ انہوں نے بتایا "کسی بھی یاتری کو آج پوتر گھپا کی طرف جانے کی اجازت نہیں دی گئی۔ جن یاتریوں نے گذشتہ شام پوتر گھپا میں شیولنگم کے درشن کئے تھے، کو وہیں روکے رکھا گیا ہے"۔
سرکاری ذرائع نے بتایا کہ یاترا کو معطل کرنے کا اقدام یاتریوں کی سیفٹی کے لئے لیا گیا ہے۔ انہوں نے بتایا "یاترا کو یاتریوں کی سیفٹی کے لئے معطل کیا گیا ہے۔ موسم میں بہتری آنے کے ساتھ ہی یاتریوں کو آگے جانے کی اجازت دی جائے گی"۔