روس/14جون(ایجنسی) سعودی عرب کے ولی عہد شہزادہ محمد بن سلمان آج جمعرات کو روسی صدر ولادیمیر پوٹن سے ملاقات کریں گے۔ سعودی ولی عہد کے دورہ روس کے دوران سعودی وزیر توانائی بھی ان کے ہمراہ ہیں۔ شہزادہ
محمد بن سلمان روس کے وزیر توانائی سے بھی خصوصی ملاقات کریں گے۔ آئندہ ہفتے تیل پیدا کرنے والے ممالک کے اجلاس سے قبل اس ملاقات کو اہم قرار دیا جا رہا ہے۔ روسی حکومت کے ترجمان کے مطابق فریقین عالمی سطح پر تیل کی پیداوار میں کمی کے ممکنہ معاہدے پر بھی بات چیت کریں گے۔