مراکش میں فیدیریکا موگیرینی اہم ملاقاتیں کر رہی ہیں

مراکش،4فروری(ایجنسی) یورپی یونین کی خارجہ امور کی نگران فیدیریکا موگیرینی آج جمعے کو مراکش میں اہم ملاقاتیں کر رہی ہیں۔ ذرائع کے مطابق اس دورے کا مقصد مراکش اور برسلز کے مابین تازہ کشیدگی کو کم کرنا ہے۔ مراکش نے یورپی عدالت انصاف کے ایک فیصلے کے بعد یورپی یونین سے اپنے تعلقات ختم کرنے کا اعلان کیا تھا۔ اس عدالت نے ایک ایسے زرعی تجارتی معاہدے کو غیر قانونی قرار دیا تھا، جس میں متنازعہ مغربی صحارا کے علاقے میں کاشت کی جانے اشیاء بھی شامل تھیں۔ یورپی یونین کے مطابق انہوں نے اس فیصلے کے خلاف درخواست جمع کرا دی ہے۔