شمالی کشمیر میں دہشت گردوں نے فوج کے گشتی دستہ پر حملہ کیا

سرینگر، 18 مئی (یو این آئی) شمالی کشمیر کے ضلع بانديپورہ میں آج سویرے هاجن علاقے میں سکیورٹی فورس کی گشتی ٹیم پر دہشت گردوں نے حملہ کیا۔ سکیورٹی کے جوانوں نے بھی جوابی کارروائی کی جس کے بعد دہشت گرد وہاں سے فرار ہو گئے۔ 

سرکاری ذرائع نے بتایا کہ هاجن علاقے میں سلامتی دستہ کی گشتی ٹیم پر پونے دو بجے دہشت گردوں نے خود کار ہتھیاروں سے فائرنگ کی۔ سکیورٹی فورس نے بھی جوابی کارروائی کی اور کچھ دیرتک دونوں طرف سے گولہ باری ہوتی رہی۔ اس فائرنگ میں



سکیورٹی فورس کے جوانوں کو کوئی نقصان نہیں پہنچا ہے۔ 

اس کے بعد سلامتی دستہ نے پورے علاقے کو گھیر کر تفتیشی مہم چلائی لیکن دہشت گرد گھنے اندھیرے کا فائدہ اٹھا کر فرار ہو گئے۔ 

واضح ر ہے کہ بدھ کو مرکزی حکومت نے اعلان کیا تھا کہ رمضان المبارک کے مقدس مہینے میں سکیورٹی فورس اپنا سرچ آپریشن بند رکھے گی لیکن اگر دہشت گردوں نے سلامتی دستہ کو نشانہ بنایا تو ان کی ہر ناپاک حرکت کا منہ توڑ جواب دیا جائے گا۔ 

یو این آئی ۔م ش ۔ 0930