ہم متحد ہو کر انصاف کی جنگ جاری رکھیں گے،راہول گاندھی نےکلپناسورین سےکی ملاقات

ذرائع:

رانچی:جھارکھنڈ کے سابق وزیر اعلیٰ ہیمنت سورین کو انفورسمنٹ ڈائریکٹوریٹ نے 31 جنوری کو زمین گھوٹالے سے متعلق منی لانڈرنگ کیس میں گرفتار کیا تھا۔ جس کے بعد چمپائی سورین کو جے ایم ایم کی قانون ساز پارٹی کا لیڈر منتخب کیا گیا۔ چمپائی سورین نے گزشتہ جمعہ کو راج بھون میں وزیر اعلیٰ کے عہدے کا حلف لیا۔ جھارکھنڈ کی نئی حکومت نے آج اسمبلی میں تحریک اعتماد منظور کر لی ہے۔ چمپائی حکومت کی حمایت میں جملہ 47 ووٹ ڈالے گئے جب کہ اپوزیشن کو 29 ووٹ ملے۔واضح رہے کہ جے ایم ایم اور اتحاد کے ارکان



اسمبلی کو ہارس ٹریڈنگ سے بچانے کے لئے حیدرآباد بھیجا گیا تھا، جہاں سے وہ اتوار کی شام ہی رانچی واپس آئے، جس کے بعد انہیں رانچی کے سرکٹ ہاؤس میں روک دیا گیا۔ اس کے علاوہ پی ایم ایل اے کورٹ نے سابق وزیر اعلیٰ ہیمنت سورین کو بھی اسمبلی میں تحریک اعتماد میں حصہ لینے کی اجازت دی تھی۔

چمپائی حکومت نے جھارکھنڈ اسمبلی میں اعتماد کا ووٹ حاصل کر لیا ہے۔ دوسری جانب کانگریس لیڈر راہل گاندھی نے ہیمنت سورین کی گرفتاری کے حوالے سے انکی اہلیہ کلپنا سورین سے ملاقات کی ہے۔ انہوں نے کہا کہ ہم متحد ہو کر انصاف کی جنگ جاری رکھیں گے۔