راہل، دیوگوڑا، ید یورپا کی رائے دہندگان سے ووٹ کی اپیل

 بنگلور، 12 مئی ( یواین آئی) کانگریس صدر راہل گاندھی، سابق وزیر اعظم اور جنتا دل (سیکولر) کے رہنما ایچ ڈی دیوگوڑا اور بھارتیہ جنتا پارٹی (بی جے پی) کے وزیر اعلی کے عہدہ کے امیدوار بی ایس ید یورپا نے آج کرناٹک کے عوام سے بڑی تعداد میں ووٹ کرنے کی اپیل کی۔ کانگریس صدر راہل گاندھی نے کنڑ میں ٹوئٹ کرکے نوجوانوں کا ووٹنگ میں حصہ لینے کا خیر مقدم کیا اور کہا’’ووٹروں کی بھاری تعداد میں ووٹ کرنے کیلئے آنا صحت مند جمہوریت کی علامت ہے۔ کرناٹک اسمبلی انتخابات میں پہلی بار ووٹ ڈالنے والے نوجوان ووٹروں کا خیر مقدم کرتا ہوں‘‘۔ انہوں نے پارٹی کارکنوں اور پارٹی کے عہدیداروں سے بارش سے متاثرہ



علاقوں میں ووٹروں کو پولنگ مراکز تک پہنچانے میں مدد کرنے کی بھی اپیل کی۔ انہوں نے کہا کہ پولنگ اسٹیشنوں پر تعینات پارٹی کارکنان پولنگ بوتھ تک پہنچنے میں ووٹروں کی مدد کریں تاکہ انہیں ووٹ ڈالنے میں دقت نہ ہو۔ اس دوران محکمہ موسمیات نے ریاست کے کئی علاقوں میں بارش کے امکانات کا اظہار کیا ہے۔ بی جے پی کے وزیر اعلی کے عہدہ کے امیدوار بی ایس ید یورپا نے شکارپور میں صبح ساڑھے سات بجے ووٹ دیا اور لوگوں سے بڑی تعداد میں ووٹ ڈالنے کی اپیل کی۔ سابق وزیر اعظم ایچ ڈی دیوگوڑا نے صبح نرسي پورہ علاقے میں ووٹ دیا اور جمہوریت کو مضبوط کرنے کے لئے لوگوں سے ووٹ دینے کی اپیل کی۔ یو این آئی،اظ