آپریشن کے دوران پیٹ میں رہ گئی قینچی، نمس کے ڈاکٹروں کی لاپرواہی

حیدرآباد/9فروری(ایجنسی) ڈاکٹری کے پیشے کو سماج سیوا کے طور پر دیکھا جاتا ہے، وہیں ڈاکٹروں کو بعض اوقات زمین پر ڈاکٹروں کو فرشتہ مانا جاتا ہے، ان سب کے درمیان حیدرآباد سے حیران کرنے والی خبر سامنے آئی ہے، دراصل حیدرآباد کے پنچہ گٹہ کے ایک سرکاری ہاسپٹل کے ڈاکٹروں کی ٹیم کے خلاف ہفتہ کو شکایت درج ہوئی ہے، ایک شخص کی طرف سے دائر شکایت میں کہا گیا ہے کہ نظام انسٹی ٹیوٹ آف میڈیکل سائنس (NIMS)  کے ڈاکٹروں کی ٹیم نے پچھلے سال نومبر میں ایک سرجری کے دوران انکی بیوی کے پیٹ میں ایک قینچی چھوڑ دی تھی-

پنجہ گٹہ کے ایس پی وجے کمار نے بتایا کہ نمس کے ان ڈاکٹروں کی ٹیم کے خلاف معاملہ درج کرلیا گیا ہے، جنہوں نے سرجری کی تھی، معاملے کی جانچ کی جارہی ہے، وہیں متاثہ کے شوہر نے بتایا کہ سرجری کے دوران ہوئی لاپرواہی کا پتہ انہیں جمعہ کو ہوا، انہوں نے بتایا کہ خاتون کو اپنے پیٹ میں درد محسوس ہوا تھا، جسکے بعد اسے ہاسپٹل میں لے جایا گیا، جہاں جانچ کے دوران ایکسرے میں معلوم ہوا کہ خاتون کے پیٹ میں قینچی ہے، پولیس نے ڈاکٹروں کی ٹیم کے خلاف معاملہ درج کیا ہے-

وہیں نمس کے  ڈائریکٹر ڈاکٹر منوہر نے بتایا کہ خاتون پچھلے سال 2 نومبر کو ہرنیہ کی سرجری کی گئی تھی ، آج ٹیسٹ میں سامنے آیا ہے کہ اسکے پیٹ میں آپریشن کے دوران استعمال میں لگائی جانے والی قینچی ملی ہے، انہوں نے بتایا کہ میڈیکل ٹیم نے آپریشن کرکے قینچی کو نکل دیا ہے، خاتون کی صحت مستحکم ہے، انہوں نے کہا کہ معاملے کی جانچ کے لیے کمیٹی بنا دی گئی ہے.