سونبھدر:زمینی تنازعہ میں فائرنگ، 9 لوگوں کی موت،25 زخمی

سونبھدر: 17 جولائی(ایجنسی) اترپردیش کے ضلع سونبھدر کے گھوراول علاقے میں بدھ کو زمینی تنازعہ کے حوالے سے ہوئی فائرنگ میں تین خواتین سمیت 9 لوگوں کی موت ہوگئی۔جبکہ دگیر 25 افراد زخمی ہوگئے ہیں جن میں سے تین کی حالت کافی نازک ہے۔

ڈائرکٹ جنرل آف پولیس(ڈی آئی جی) او پی سنگھ کے مطابق تمام ہی مہلوکین کا تعلق ایک ہی گروپ سے ہے۔ابھی تک اس معاملے میں دو افراد کو گرفتار کیا گیا ہے اور پورے گاؤں میں گھر گھر کی تلاشی مہم جاری ہے۔

اڈیشنل ڈائرکٹر جنرل آف پولیس(نظم وضبط) کے مطابق’’ گاؤں کے پردھان نے دو سال قبل 90 بیگھے زمین خریدی تھی ، آج وہ اپنے کچھ حامیوں کے ساتھ اس پر قبضے کرنے کے لئے گاؤں پہنچے اور جب گاؤں والوں نے اس کی مخالفت کی تو انہوں نے ان پر بے تحاشہ



گولیاں چلانی شروع کر دیں جس سے نو افراد کی موت ہوگئی جن میں چار خواتین بھی شامل ہیں‘‘۔

ڈسٹرکٹ مجسٹریٹ انکت کمار اگروال نے بتایا کہ ’’ ہم نے حالات کو قابو میں رکھنے کے لئے بڑے پیمانے پر سیکورٹی اہلکار کو تعینات کیا ہے۔ اس ضمن میں جانچ کی جاری ہے‘‘۔

وہیں اس واقعہ کا فوری نوٹس لیتے ہوئے ریاست کے وزیر اعلی یوگی آدتیہ ناتھ ڈی ایم کو زخمیوں کو فوری علاج فراہم کرنے کی ہدایت دی ہے۔وزیر اعلی نے ڈی جی پی کو بذات خود پورے معاملے کو دیکھنے اور قصواروں کی گرفتاری کے لئے موثر اقدام کرنے کی ہدایت دی ہے۔

اس واقعہ پر سماج وادی پارٹی سربراہ اکھلیش یادو نے ریاست کی یوگی حکومت تنقید کرتے ہوئےمتاثرین کے اہل خانہ کو 20۔25 لاکھ روپئے بطور معاوضہ دینے کا مطالبہ کیا ہے۔