پولیس میں نوکری کے خواہشمندوں کو دھوکہ دینے والا شخص گرفتار

حیدرآباد: ایک 26 سالہ شخص کو گھٹکیسر پولیس نے پولیس افسر کا روپ دھار کر محکمہ پولیس میں ملازمت دلانے کے بہانے لوگوں کو دھوکہ دینے کے الزام میں گرفتار کیا۔

ملزم 26 سالہ کسوما پرشانت میڈچل ملکاجگیری ضلع کے گھٹکیسر منڈل کے وینکٹاسائی نگر کا رہنے والا ہے۔ پولیس نے ملزم کے قبضے سے ایک وردی، ایک جوڑا جوتے، ایک جوڑا خاکی موزے، دو موبائل فون اور



21300 روپے نقدی برآمد کر لی۔

کلاکنٹلا پرساد جو پیشہ سے ڈرائیور ہیں، اس نے شکایت کی تھی جس کے بعد مقدمہ درج کیا گیا تھا۔ مکمل تفتیش کے بعد پرشانت کو پیر 18 ستمبر کو یامن پیٹ ایکس روڈ سے گرفتار کیا گیا۔

پوچھ گچھ پر ملزم نے انکشاف کیا کہ وہ پولیس کی وردی پہنتا تھا، اور اپنا تعارف ایک ریزروڈ سب انسپکٹر کے طور پر کرتا تھا اور پولیس میں نوکری کے خواہشمند معصوم لوگوں کو دھوکہ دیتا تھا۔