حیدرآباد میں ہوا ایک اور قتل، ندیم نامی روڈی شیٹر ہلاک

حیدرآباد میں قتلوں کا سلسلہ جاری ہے جس میں دن بہ دن اضافہ ہوتا جا رہا ہے لیکن حکومت کی جانب سے کوئی سخت اقدام نظر نہیں آرہا۔ حکومت اور پولیس ٹریفک کو لیکر سخت اقدامات اٹھاتے نظر آتی ہے ہلمٹ ، لائسنس ، انشورینس وغیرہ نہ ہونے پر گاڑی ضبط کرلی جاتی ہے، چلانات عائد کیے جاتے ہیں لیکن سرے عام قتل و غارت کا سلسلہ جاری اور حکومت تماشائی بنی بیٹھی ہے، کوئی سخت اقدام اٹھانے سے قاصر ہے۔

اسی طرح آج ایک اور واردات سامنے



آئی ہے جس میں مادھا پور پولیس اسٹیشن حدود میں راؤڈی شیٹر ندیم حسین کو نامعلوم حملہ آوروں نے بے دردی سے مہلک ہتھیاروں سے قتل کر دیا۔ پولیس کو مقتول کی نعش کوکٹ پلی اور مادھاپور کے بارڈر کے قریب سنسان مقام سے دستیاب ہوئی۔

واقعہ کی اطلاع ملنے پر پولیس نے مقدمہ درج کر کے تحقیقات شروع کر دی اور نعش کو پوسٹ مارٹم کے لیے ہاسپٹل منتقل کر دیا۔ پولیس نے تفصیلات سے واقف کرواتے ہوئے بتایا کہ ندیم  سوراج نگر، بورابنڈہ کا رہنے والا ہے اور بورا بنڈہ پولیس اسٹیشن کا روڈی شیٹر تھا۔