تلنگانہ میں ’حساس‘ سیاسی تبصرے کرنے پر نونیت رانا کے خلاف مقدمہ درج

حیدرآباد: شاد نگر پولیس نے جمعہ کو بی جے پی امیدوار نونیت رانا کور کے خلاف انتخابی مہم کے اجلاس کے دوران تبصرہ کرنے پر مقدمہ درج کیا ہے جس میں کہا گیا ہے کہ کانگریس کو ووٹ دینا پاکستان کی حمایت کے سوا کچھ نہیں ہے۔ انتخابی نگرانی کرنے والے افسران کی طرف سے درج کرائی گئی شکایت کی بنیاد پر، شاد نگر پولیس نے نونیت کے خلاف مقدمہ درج کیا، جو مہاراشٹر کے امراوتی پارلیمانی حلقہ سے بی جے پی کے ٹکٹ پر انتخاب لڑ رہی ہیں۔ عہدیداروں نے کہا کہ نونیت کے



تبصرے ماڈل کوڈ آف کنڈکٹ کی خلاف ورزی کے مترادف ہیں جو لوک سبھا انتخابات کے پیش نظر رائج ہے۔

ان کے خلاف تعزیرات ہند (IPC) کی 171-C کے ساتھ 171-F، 171-G اور 188 کے تحت مقدمہ درج کیا گیا تھا۔ جمعرات کو بیرسٹر اسدالدین اویسی نے انتخابی مہم کے دوران نونیت کور کے 15 سیکنڈ والے تبصروں پر سخت ردعمل دیتے ہوئے کہا تھا کہ انہیں ایسا کرنے سے کوئی نہیں روک رہا ہے اور وہ اس سے خوفزدہ نہیں ہیں۔ نونیت رانا کے تبصروں کا جواب دیتے ہوئے اسد الدین اویسی نے کہا ہم انہیں وقت دیں گے، ہم بھی دیکھیںگے کہ وہ کیا کریں گے۔